كېلەلمىدىڭ كەلگەندە باھار
ئابدۇرازاق شەمئى

كېلەر دېدىم كەلگەندە باھار،
كېپىنەكتەك ئۇچۇپ بېغىمغا.
ئۇچۇرۇڭنى بەرگىن شامالدىن،
كېلەر بولساڭ گۈلۈم يېنىمغا.

خەۋىرىڭنى بەرمىدى ھېچكىم،
كىرپىكلەرگە قوندىغۇ شەبنەم.
يوللىرىڭدا تۇسۇق بارمىدى؟
قايتىپ كەلدى تورنىلارمۇ ھەم.

ۋىسالىڭغا ئىنتىزار بولۇپ.
يۈرىكىمگە تولدى قان-زەرداب.
كېلەلمىدىڭ كەلگەندە باھار،
قويغانمىدىڭ يا مېنى ئالداپ.

2016.10.16
ئاپتورى: قەشقەر ئۇنىۋېرسىتېتى گۈزەل- سەنئەت ئىنستىتۇت ئوقۇغۇچىسى

مۇھەرىر : ئابدۇقەييۇمجان ئابدۇسادىرى

ئۈندىدار  : 2042420589

ئەسكەرتىش : ئەسەرلەرنى تورىمىز ۋە ئاپتۇرنىڭ ماقۇلىقىنى ئالماي ھەر قانداق مەدبۇئات ئورۇنلىرى ، توربەت ، سالۇنلارنىڭ خالىغانچە تارقىتىشىغا يول قويۇلمايدۇ . ئەگەر شۇنداق ئەھۋاللار بايقالسا بارلىق ئاقىۋەتكە تارقاتقۇچى تەرەپ مەسئۇل بولىدۇ !!