ئ‍انامغا بىغىشلايمەن
رەجەپ يۈسۈپ 

ئ‍انامكەن ئ‍ەسلىدە مىنىڭ جەننىتىم ،
ئ‍انامكەن ئ‍ەسلىدە مىنىڭ زىننىتىم .
ئۇنىڭسىزبولماسكەن ئ‍ەسلا قىممىتىم ،
تىلەيمەن رەببىمدىن ئ‍انام ئ‍ۈمرىنى .

بىشىمغا غەم چۈشسە ئ‍انا دەپتىمەن ،
ۋەلىكىن بىرقىتىم مۇڭداشماپتىمەن .
بىر كۈنى كىتەر دەپ ئويلاشماپتىمەن ،
قايتۇرسام تۈگىمەس ئ‍انام ئ‍ەجرىنى .

ھەتتاكى پايپاقنى يۇيالماي پاكىز،
ئۇنىڭسىز نە سۆلەت يۈرىشىم رەتسىز .
بالىلىق نادانلىق ئىكەنمەن كەپسىز ،
چوڭ بولۇپ چۈشەندىم ئ‍انام قەدرىنى .

ئ‍ارزۇيۇم ئ‍انامنى كۈلدۈرسەم دەيمەن ،
ئ‍ات بولۇپ بىشىمغا مىندۈرسەم دەيمەن .
ئ‍انامغا مىھرىمنى يەتكۈزسەم دەيمەن ،
مەن بۈگۈن ھىس قىلدىم ئ‍انام جەبرىنى .

چىرايلىق كىم دىسە جانان دەپتىمەن ،
ئ‍اي كەبى ئ‍انامكەن مەن بىلمەپتىمەن .
ئ‍انامكەن ئ‍ەسلىدە مىنىڭ بايلىقىم ،
ئۇ تارىتقان جاپانى مەن كۆرمەپتىمەن .

ئ‍انامكەن دۇئادا بەختىم تىلىگەن ،
ئ‍انامكەن مەن ئۈچۈن بەدەل تۆلىگەن .
ئ‍انامكەن يىقىلسام ئاۋۋال يۆلىگەن ،
ئ‍ۇ بولغاچ جاپانى مەن كۆرمەپتىمەن .

ئ‍انامنىڭ كۆڭلىنى چۈشەنمەپتىمەن ،
ئ‍انامنىڭ سۆزىگە ئ‍ىشەنمەپتىمەن .
ئەسلىدە بەختىمنى كىشەنلەپتىمەن ،
چۈشەندىم ھىلىمۇ كىچىكمەپتىمەن .