يەر تەۋرىمەي نىمە تەۋرىسۇن ؟
نۇرمۇھەممەت مۇسا

سىناق تۇرسا پانى ئالىمى ،
گۇناھلارغا پاتسا ئادىمى .
پەرۋاسىز بوپ يۈرسە ئالىمى ،
يەر تەۋرىمەي نىمە تەۋرىسۇن ؟

قىز ئانىلار يۈرسە دىبادا ،
«ئۇلۇغ »ئاتا يۈرسە جۇبادا .
تەمتىرىسە  سەبى ۋاڭبادا ،
يەر تەۋرىمەي نىمە تەۋرىسۇن ؟

ئىچىپ ئويناپ يۈرسەك لەقۋا بوپ ،
كۆز بوياپلا يالغان تەقۋا بوپ .
يۈرسەك شۇنداق مايمۇن دەكلا بوپ ،
يەر تەۋرىمەي نىمە تەۋرىسۇن ؟

ئاجىزەنى قىلماي ھىمايە ،
ئادىمىيلىكتىن بولماي سىمايە .
يات ئېغىزىدا بولساق ھىكايە ،
يەر تەۋرىمەي نىمە تەۋرىسۇن ؟

ئۆتۈنۈشۈم ھەقنى تونىساق ،
نادانلىقنى ئەمدى قىلمىساق .

غەپلەت بىسىپ ئۇخلاپ ياتمىساق،
يەر تەۋرىمەي ۋىجدان تەۋرىسۇن !

2016-12-9