سېنىڭ قەبرەڭ

نۇرشات مۇساجان

ئ‍ۆزۈڭگە كۆندۈردۈڭ ، ماڭا ھەم كۆندۈڭ ،
ئ‍ۆتكۈزدۈڭ مەن بىلەن گۈزەل ھەر دەمنى .
يۈرەكتە تۇغۇلدۇڭ ، يۈرەكتە ئ‍ۆلدۈڭ ،
ياسىدىم يۈركۈمگە سېنىڭ قەبرەڭنى .

ئ‍ۆلسەڭمۇ يۈركۈمدە مەڭگۈ تۇرسۇن دەپ ،
مەن بىلەن مەڭگۈگە بىللە بولسۇن دەپ .
قانلىرىم قەبرەڭنى ئەبەت سۆيسۇن دەپ ،
ياسىدىم يۈركۈمگە سېنىڭ قەبرەڭنى .

ئ‍ازابىڭ يىغلىتىپ قويسىمۇ تازا ،
كۆزلۈرۈم يەنىلا ئ‍اچتى كۆپ ھازا .
ھەسرىتىڭ ئ‍ۆزۈڭگە بولدى جىنازا ،
ياسىدىم يۈركۈمگە سېنىڭ قەبرەڭنى .

خاتىرجەم يېتىۋەر قەبرەڭدە ئ‍ەي ، يار ،
ھەر كۈنى يوقلاشقا تىنىقىم تەييار .
يۈرۈكۈم ئ‍ۆلگۈچە ساداقىتىم بار ،
ياسىدىم يۈركۈمگە سېنىڭ قەبرەڭنى .