شۇنداق بىرگە كۆيۈپ قالىسەن
ھوشۇر ئامىرجان ئاتەشى تاجىك
ساراڭ دەيسەن ، قىلىقى ئۇماق ،
شۇنداق بىرگە كۆيۈپ قالىسەن !
ياخشى دەيسەن ، بولمىغۇر شاللاق ،
شۇنداق بىرگە كۆيۈپ قالىسەن !
ئەققىدەڭنى قىلسىمۇ پايخان ،
ۋايسىمايسەن ، دادلاپ ھېچقاچان .
سېنى ئىبلىس قولىغا ئالغان ،
شۇنداق بىرگە كۆيۈپ قالىسەن !
قۇياش دەيسەن ، تەپتى يوق ئەمما،
قىشىدا سەن ، قەلبىدە باشقا .
ئادەم تۇرۇپ ئۆزگەرگەن ئېتقا ،
شۇنداق بىرگە كۆيۈپ قالىسەن !
سەزمىسەڭمۇ لىۋىدىن سېزىم ،
ئۇ بولمىسا ، تاپمايسەن تىنىم .
ئۆز خىلىڭنى بەرمىسە تەڭرىم ،
شۇنداق بىرگە كۆيۈپ قالىسەن !
كىچەلمەيسەن يىللار ئۆتۈپمۇ،
يا ئۆلمەيسەن قان تۈكۈرۈپمۇ .
بار ئەيبىنى بىلىپ تۇرۇپمۇ ،
شۇنداق بىرگە كۆيۈپ قالىسەن !
364 قېتىم كۆرۈلدى | ejran | ئەسەر يوللىغۇچى : | |
2016-5-14 19:30:37 | :يوللانغان ۋاقتى |
بۇ تېمىغا تېخى ئىنكاس يېزىلماپتۇ
تور بىكىتىمىزدىكى ئەسەرلەرنىڭ ئىشلىتىش ھوقۇقى تور بىكىتىمىزگە ۋە ئاپتورغا تەۋە بولۇپ، قالايمىقان كۆچۈرۈپ تارقاتقۇچىلارنىڭ مەسئۇلىيتى قاتتىق سۈرۈشتە قىلىنىدۇ. ئەمگىكىمىزگە ھۆرمەت قىلىڭ! باشقىلارنىڭ ئەمگىكىنى قەدىرلەش گۈزەل ئەخلاقتۇر!!!! بىكەت مەسئۇلى: نۇرمۇھەممەت ئالاقە تېلېفۇن - ئۈندىدار: 18999843588
www.yazghuqilar.com
新ICP备15002323号
|