ئېلى دىيارىدىكى ئاپەتكە ئۇچرىغان قېرىنداشلارغا
قەلەمدە: تاھىرجان غۇپۇر (ئەتىۋا)
سادىر پالۋان، نۇزۇگۇملار،
چاقچاق شاھى ھىسام ئاكام.
ھەم لۇتپۇللادەك قەھرىمانمۇ بار،
يېتىشتۈرگەن ئېلىغا سالام.
كۆز تەگدىمۇ بۈگۈن ئەتەڭگە،
كۈلكە چاقچاق قىلغان مەلەڭگە.
قان-ياش تۆكتۈم ھالىڭنى كۆرۈپ،
خىتاب قىلدىم ئۇشبۇ قەلەمگە.
ئادەتتىكى بىر كەلكۈن دەپتىمەن،
ۋەيران قىپتۇ شەھەرنى بېسىپ.
ئىچىم سىيرىلدى كۈمۈلگەنلەرگە،
تاپالماپتۇ لاتقىنى قېزىپ .
ئاپەت كىلىپ بېشىڭغا بۈگۈن ،
يول، ئۆيلەرگە قازا يېتىپتۇ.
شۇ ۋەجىدىن قېرىنداشلارنىڭ،
تېنەپ قېلىپ بېشى قېتىپتۇ.
ئات-ئۇلاغلار ئاقار قىياندا،
ماشىنىلار لەيلەر قېيىقتەك.
ئاھۇ -زارلار يەتتى پەلەككە،
گويا ماتەم،نەزىر بولغاندەك.
غەم قىلماڭلار قېرىنداشلارىم،
سىلەر تەنھا يالغۇز ئەمەسقۇ.
بۇ ئۇلۇغ ئاي، ئۇلۇغ كۈنلەردە،
بىزمۇ سىلەرگە يىراق ئەمەسقۇ.
خاتىمە:
تاما-تاما كۆل بۇلار ئىمىش،
غەم قىلماڭلار ئەتىكى ئىشتىن،
ساق-سالامەت بولساڭلار پەقەت،
بىللە چىقىمىز بۇ يىلقى قىشتىن.
2016-يىلى 6-ئاينىڭ 18-كۈنى (توقسۇن)
359 قېتىم كۆرۈلدى | atiwa | ئەسەر يوللىغۇچى : | |
2016-6-20 10:10:56 | :يوللانغان ۋاقتى |
بۇ تېمىغا تېخى ئىنكاس يېزىلماپتۇ
تور بىكىتىمىزدىكى ئەسەرلەرنىڭ ئىشلىتىش ھوقۇقى تور بىكىتىمىزگە ۋە ئاپتورغا تەۋە بولۇپ، قالايمىقان كۆچۈرۈپ تارقاتقۇچىلارنىڭ مەسئۇلىيتى قاتتىق سۈرۈشتە قىلىنىدۇ. ئەمگىكىمىزگە ھۆرمەت قىلىڭ! باشقىلارنىڭ ئەمگىكىنى قەدىرلەش گۈزەل ئەخلاقتۇر!!!! بىكەت مەسئۇلى: نۇرمۇھەممەت ئالاقە تېلېفۇن - ئۈندىدار: 18999843588
www.yazghuqilar.com
新ICP备15002323号
|