رۇبائىيلار
ئابدۇسالام ئابدۇللا بۆرە تېكىن
ئادەملەر كەتسىمۇ مۇھەببەت قالۇر،
ئۇرۇقى ئەۋلادقا سۆيگۈنى ئاچۇر.
مۇھەببەت ئىنسانغا سۇنماس قانات،
مۇھەببەتتىن ئىبلىس شەيتان قاچۇر.
كېتىدۇ ياشلىق تۈگەيدۇ ئۆمۈر،
قاتتىق بولسمۇ داتلىشار تۆمۈر.
ئىگىلمەي ھاياتقا ئىلاجىلەر يوق،
بەزىدە ئۇ پاختا بەزىدە كۆمۈر.
كەلگەن كېتىدۇ ھايال ئۆتكۈزمەي،
دەۋىر ھەيدەيدۇ پەيىت كەتكۈزمەي.
ئارمانلار قالىدۇ شىرىن چۈش پېتى،
ۋاقىت ۋاپاسىز مۇرادىغا يەتكۈزمەي.
سۇنىدۇ چىنارمۇ كەلگەندە بوران،
قۇياشمۇ تاغلارنى قىلىدۇ گۇمران.
ئەجەل ئالدىدا شاھلارمۇ ئاجىز،
ئوكيان قۇرسىمۇ بولمىغىن ھەيران.
ھەقىقەت-ھەققانىي كۈيۈپ كەتسمۇ،
تەنلەردىن بېشى ئاجىراپ كەتسمۇ.
كۆكلەيدۇ بىخلىنىپ پەيتى كەلگەندە،
سۇسىز چۆللەردە قۇرۇپ كەتسىمۇ.
يالغاننڭ كۈندە پىشمايدۇ ئېشى،
يالغاننڭ سەپەردە چاپمايدۇ ئېتى.
ئەپلەپ ئۆتسىمۇ گەرچە بۈگۈنى،
ئەتىگە تۇتارغا يوق ئەسلا سېپى.
2016.12.21
67 قېتىم كۆرۈلدى | abdu4745 | ئەسەر يوللىغۇچى : | |
2016-12-21 5:40:46 | :يوللانغان ۋاقتى |
بۇ تېمىغا تېخى ئىنكاس يېزىلماپتۇ
تور بىكىتىمىزدىكى ئەسەرلەرنىڭ ئىشلىتىش ھوقۇقى تور بىكىتىمىزگە ۋە ئاپتورغا تەۋە بولۇپ، قالايمىقان كۆچۈرۈپ تارقاتقۇچىلارنىڭ مەسئۇلىيتى قاتتىق سۈرۈشتە قىلىنىدۇ. ئەمگىكىمىزگە ھۆرمەت قىلىڭ! باشقىلارنىڭ ئەمگىكىنى قەدىرلەش گۈزەل ئەخلاقتۇر!!!! بىكەت مەسئۇلى: نۇرمۇھەممەت ئالاقە تېلېفۇن - ئۈندىدار: 18999843588
www.yazghuqilar.com
新ICP备15002323号
|