جان ئاتا

دىلشات ئابدۇسەمەت

ئۆزۈڭ كۆرمەي زەررە ھالاۋەت،

ئۆستۈردىڭغۇ مىنى خان ئاتا.

چوڭ قىلغۇچە بىزلەرنى تەستە،

ھاردۇق يەتتى ساڭا جان ئاتا.

   ئۈلگە بۇلۇپ بىزلەرگە بۈركۈتتەك ئۇچتۇڭ،

زەپەر قۇچۇپ گاھىدا شەرەپلەر قۇچتۇڭ.

     دورىيالماي مەن سىنى باسالمىغاچ ئىزىڭدىن،

         سەن ئۇچقاندەك كۆكلەردە ئۇچالمىدىم جان ئاتا.

     سەن بولغاچقا تىك قەددىم بولمىدىغۇ پەس،

سەنلا باركى ياۋلارمۇ قىلالمىدى قەس.   

             سەن بولمىساڭ ھاياتتا ياشىمىقىم شۇنچە تەس،

ئۇزۇن ئۆمۈر تىلەيمەن ساڭا جان ئاتا.