تەشنا دىلىم باغرىڭغا ئانا
سەيفۇللا ئابدۇراخمان
نە سەۋەپتىن بىلمىدىم،ئانا،
يىتىمچىلىك كەلدى بېشىمغا.
ئايرىلدىم مەن ئىللىق قوينىڭدىن،
يەتمەي تۇرۇپ ئىككى يېشىمغا.
***************
شۇندىن بۇيان ئاتالدىم يىتىم،
مىسكىن بولدى ھاياتلىق بېتىم.
يوق بولغاچقا مىھرىبان ئانام،
يىرتىق دائىم چاپىنىم،پىشىم.
***************
گەرچە دادام ياندا بولسىمۇ،
تەشنا دىلىم ئانا،باغرىڭغا.
قايتسام دەيمەن قوينىڭدا يېتىپ،
ئاق سۈت ئەمگەن ئاشۇ چېغىمغا.
***************
يەتتىم بۈگۈن يىگىت يېشىمغا،
بولدۇم يەنە ئاتا ئوغلۇمغا.
تەشنالىقتا تەلپۈنەر باغرىم،
سەن ئانامنىڭ ئوتلۇق باغرىغا.
***************
ئايرىلغاندا ئانا باغرىڭدىن،
جاھان يېرىپ قالغان ئۈنلىرىم.
تالاي كېچە ئەسلەپ ئانامنى،
كىرپىك قاقماي ئۆتكەن تۈنلىرىم.
***************
ئاچ قوينىڭنى ماڭا جان ئانا،
قېنىۋالاي مىھرىڭگە قايتا.
يۈزلىرىمنى يېقىپ يۈزىڭگە،
تۈنۈۋالاي ئۆزۈڭنى قايتا.
***************
دىل تۆرىڭدە جانىم ئەي ئانا،
مەن بالاڭغا باردۇر مۇھەببەت.
ئۇنتۇمىدىڭ مېنى ئەزەلدىن،
سېغىنىشتىن چەكتىڭ رىيازەت.
***************
كەلسە تاماق ئالدىڭغا ئانا،
مېنى ئويلاپ قالغانسەن شۇدەم.
چۈشلىرىڭگە كىرسەم گاھىدا،
يوللىرىڭغا باققانسەن دەم-دەم.
***************
باغرىڭ ئەسلى مىھرىبان، يۇمشاق،
دىلىڭ گۈيا چېچىڭدەك ئاپپاق.
بولسام دەيمەن دەردىڭگە دەرمان،
بىرگە تۇرۇپ ياشىساق ئۇزاق.
2016-يىلى 10-ئاينىڭ 12-كۇنى
110 قېتىم كۆرۈلدى | سەيفۇللا ئابدۇراخمان | ئەسەر يوللىغۇچى : | |
2016-10-13 0:57:44 | :يوللانغان ۋاقتى |
بۇ تېمىغا تېخى ئىنكاس يېزىلماپتۇ
تور بىكىتىمىزدىكى ئەسەرلەرنىڭ ئىشلىتىش ھوقۇقى تور بىكىتىمىزگە ۋە ئاپتورغا تەۋە بولۇپ، قالايمىقان كۆچۈرۈپ تارقاتقۇچىلارنىڭ مەسئۇلىيتى قاتتىق سۈرۈشتە قىلىنىدۇ. ئەمگىكىمىزگە ھۆرمەت قىلىڭ! باشقىلارنىڭ ئەمگىكىنى قەدىرلەش گۈزەل ئەخلاقتۇر!!!! بىكەت مەسئۇلى: نۇرمۇھەممەت ئالاقە تېلېفۇن - ئۈندىدار: 18999843588
www.yazghuqilar.com
新ICP备15002323号
|