دادام يوق
زۈلەيخا قەلىمىدىن
مىنى باققان ئەزىزلەپ قەدىردانىم دادام يۇق ،
يىقىلساممۇ يىنىمدا يۈلەيدىغان دادام يۇق .
قالسام ئەگەر مۇڭلىنىپ قارا تۈننىڭ قوينىدا ،
مەن بىلەن تەڭ جودۇندا تۈنەيدىغان دادام يۇق .
يۈرۈكۈم توق يۈرەتتىم تاغدەك ئاتام يىنىمدا ،
مەدەت بىرەر بالام دەپ قاۋۇل تىرەك دادام يۇق .
غەملىرىمنى ئۇ يىگەن كەملىرىمنى بار قىلىپ ،
سامالاردا ئۇچساممۇ سۇنماس قانات دادام يۇق .
ئۆيلىرىمىز باياشات كۈلكە چاخچاق ئۈزۈلمەس ،
بەرىكەتلىك داستىرخان دۇئا قىلار دادام يۇق .
قىرىنداشلار زەپ ئىناق بىر بىرىگە قول قانات ،
دانا پىكىر سۆز بىرەر مۈتىۋەرىم دادام يۇق .
ھەشەمەتلىك ئۈيلەرنىڭ يارىشىغى ئۇ شۇنداق ،
ئائىلىنىڭ سولتانى مىھرى ئىللىق دادام يۇق .
تاغدەك غەملەر باسسىمۇ يەلكىسىنى تىك تۇتۇپ ،
چاندۇرمىغان بىزلەرگە مەرىت مەردانە دادام يۇق .
كەلسە ئۇلۇغ ھىيىت ئايەم جەم بولاتتۇق شادىمان ،
خوشلىقىدا بىز ئۈچۈن پاخلان سويار دادام يۇق .
شەربەت كەلسە ئالدىغا بىزلەر ئۈچۈن قىسىنىپ ،
تىتىپ باقسۇن بالام دەپ ئىلىپ قويار دادام يۇق !
دادامنىڭ بىر يىللىق ۋاپاتىغا بىغىشلايمەن !
2016.12.13
92 قېتىم كۆرۈلدى | زۈلەيخا | ئەسەر يوللىغۇچى : | |
2016-12-25 0:20:09 | :يوللانغان ۋاقتى |
بۇ تېمىغا تېخى ئىنكاس يېزىلماپتۇ
تور بىكىتىمىزدىكى ئەسەرلەرنىڭ ئىشلىتىش ھوقۇقى تور بىكىتىمىزگە ۋە ئاپتورغا تەۋە بولۇپ، قالايمىقان كۆچۈرۈپ تارقاتقۇچىلارنىڭ مەسئۇلىيتى قاتتىق سۈرۈشتە قىلىنىدۇ. ئەمگىكىمىزگە ھۆرمەت قىلىڭ! باشقىلارنىڭ ئەمگىكىنى قەدىرلەش گۈزەل ئەخلاقتۇر!!!! بىكەت مەسئۇلى: نۇرمۇھەممەت ئالاقە تېلېفۇن - ئۈندىدار: 18999843588
www.yazghuqilar.com
新ICP备15002323号
|