*** ھەسرەتلىك سۆيگۈ  ***

سۇلايمان«ئەلتېكىن»ئاۋات

تۈنلىرى سىمايىڭ كەتمەيدۇ نېرى،
قولۇمدا سۈرىتىڭ  ، ئۈمىدلىك بېقىپ.
مىڭ ھەسرەت ئىچىدە تۇتىمەن قەلەم،
زارىقىش دەستىدە ياشلىرىم ئېقىپ.

دەپتەرنىڭ بېتىدە يەنە شۇ چىراي،
ئۈنچىلەر تىزىشقا بارمىدى قۇلۇم.
سىڭىپسەن راستىنلا تۇمۇرلىرىمغا ،
سېنىڭسىزمۈشكۈلدۇر ھاياتلىق يۇلۇم.

چىقمايدۇ ئ‍ېسىمدىن ۋىسال دەملىرى ،
قەلبىمدە ئ‍ۇرغىتىپ سۆيگۈ نىداسى.
دىدارغا تەشنامەن ،سەن يېنىمدا يوق ،
ھەمرا بوپ قالغىنى ئەلەم ساماسى.

ئۆتسىمۇ ئارىدىن شۇنچە ئۇزۇن يىل.
ياشىدىم سۆيگۈڭگە بۇلۇپ ئىنتىزار.
بىلەمسەن: يۈرىگىم سوقار سەن ئ‍ۈچۈن ،
تېۋىنىپ مېھرىڭگە ھەرئان  بىقارار  !؟

2016.9.21