ۋىسالسز سۆيگۈ (شېئىر) 

 ئابدۇمىجىت ئىمام غۇلجا

بەرگەن گۈلۈڭ دوستلۇق ئىكەن ئەسلىدە،

ئۆز كۆڭلۈمدە سۆيگۈ گۈلى دەپتىمەن.

شوخ تەبەسسۇم قىلساڭ ئوتلوق ناز بىلەن،

ياخشى كۆرۈپ قالدىمىكى دەپتىمەن.

 بەربات بولدى شېرىن خىيال شېرىن ھىس،

 سۇ يۈزىدە غايىپ بولغان كۈپۈكتەك.

 تۇيۇلدى ھەم باغدا قۇشنىڭ سايرىشى،

خۇددى مىنى مازاق قىلىپ كۈلگەندەك.

 تەن بەرمەيمۇ ئامال يوقكەن كۆڭۈلنى،

ئورنى يوقكەن مەيلى يوققا تېڭىشقا.

پەقەت دوستلۇق ئۈچۈن سوققان يۈرەكنىڭ،

قوينى يوقكەن سۆيگۈ ئۈچۈن ئېچىشقا.

باشقىچىكەن دوستلۇقنىڭمۇ كۆيۈمى،

 ھەرخىل گۈلنىڭ ھەرخىل ھىدى بولغاندەك.

بىر ياخشى دوسىت بىربەخىتكە مىسالكەن ،

 ئامەت قۇشى كېلىپ باشقا قونغاندەك.