ئەسلىدىم سېنى

 ئايىمگۈل

 ئۇچقۇنداپ ياغماقتا ئەتراپىتا قارلار،
ھەممە يەر پۈركەندى ئاپئاق لىباسقا.
ئەتىراپلار تىپتىنىچ ھىچ بىر سادا يوق،
پەقەتلا كۆڭلۈمدە سەنلا بولغاچقا.

ئۇچقۇندىغان قارلاردا سېنىڭ سىمايىڭ،
سەن بولغاچ چىكىلەر كۆڭۈلەر تارىم.
خىيالىم پەقەتلا سەندە بولغاچقا،
پەقەت يوقتۇر ھىچ ئىش بىلەن كارىم.

ئەتراپقا باقىمەن خىيال ئىلكىدە،
مامۇقتەك قارلار ئەسلەتتى سېنى.
يۈرەكتىن سېغىندىم ئەزىز جانانىم،
زادى سەن قەيەردە قېنى سەن قېنى.