سەن مېنىڭ قەلبىمدە قۇياشىم ھامان
(ياسىنجان مەھمۇت)
ياشلىقتا تۇتىشىپ ئاشىقلىق ئوتى،
كۈنلىرىم ئۆتمىدى تىنىچ بەخرامان.
ئاي نۇرى كېچىدە تۈننى يۇرۇتسا،
سەن مېنىڭ قەلبىمدە قۇياشىم ھامان.
مەن سېنى سۆيمەيمەن دېسەڭ ناۋادا،
چىرايىم سارغىيىپ تۇرماسمەن ئامان.
مەن سېنى ئۇنتالماي ئۆتسەممۇ مەڭگۈ،
سەن مېنىڭ قەلبىمدە قۇياشىم ھامان.
سەۋدالىق ئىچىدە ئۆتمەكتە كۈنۈم،
چىرايىم سارغىيىپ بولدىغۇ يامان.
سۆيمىسەڭ سۆيمىگىن مەڭگۈ تائابەت،
سەن مېنىڭ قەلبىمدە قۇياشىم ھامان.
ۋەسلىڭگە يېتەلمەي ئۆتسەممۇ مەڭگۈ،
زەررىچە يېمەيمەن،قىلچە پۇشايمان.
پەرۋاسىز قارىساڭ، سۆيمىسەڭمۇ ھەم
سەن مېنىڭ قەلبىمدە قۇياشىم ھامان.
ئۈندىدار نۇمۇرى:2506860824
ياسىنجان كۈسەنى
2013-6-14
49 قېتىم كۆرۈلدى | yasinjan | ئەسەر يوللىغۇچى : | |
2017-4-11 8:24:58 | :يوللانغان ۋاقتى |
بۇ تېمىغا تېخى ئىنكاس يېزىلماپتۇ
تور بىكىتىمىزدىكى ئەسەرلەرنىڭ ئىشلىتىش ھوقۇقى تور بىكىتىمىزگە ۋە ئاپتورغا تەۋە بولۇپ، قالايمىقان كۆچۈرۈپ تارقاتقۇچىلارنىڭ مەسئۇلىيتى قاتتىق سۈرۈشتە قىلىنىدۇ. ئەمگىكىمىزگە ھۆرمەت قىلىڭ! باشقىلارنىڭ ئەمگىكىنى قەدىرلەش گۈزەل ئەخلاقتۇر!!!! بىكەت مەسئۇلى: نۇرمۇھەممەت ئالاقە تېلېفۇن - ئۈندىدار: 18999843588
www.yazghuqilar.com
新ICP备15002323号
|