بۈگۈنكى دۇنيا

شاھى مەردانى

ئىشەنگەنلەرىم ھەجەپ قىزىقكەن ،
شۇ ئوت ئىشقىدا بولغان پەرۋانە.
ئۆزەمگە ئەمدى بىر سەپسېلىپ قاراپ،
ئاچچىق بىر كۈلكىدە بولدۇم ھەيرانە.

بار ئىكەن ئىنساندا ئەسلى بىر جۈپ يۈز،
ئەمما مەن كۆرگىنىم نۇرلۇق يىگانە.
يەنە بىر يۈزىگە تېپىلمايدۇ سۆز،
قار نىيەت ئىكەن يار قالدىم بىگانە.

بەلكىم بۇ گۇناھلار سەندە ئەمەستۇ،
ۋە ياكى ئۈستۈمگە پۈتۈلگەن تەغدىر.
شۇنداقلا ھەممىنى ئۇنتىساڭ يارىم،
مەنمۇ ھەم ئۇنتۇشقا ئەلۋەتتە قادىر.

      شاھى مەردانى