ئېشۋالما ئېشىپ قالىسەن

يۈسۈپجان سايرامى    ( زىنھار  )

ھاياتتا بار بىلسەڭ بىر نۇقتا ،
كەلسە ماڭالماي توختاپ قالىسەن .
قىسمەتلىرى كۆپتۇر ھاياتنىڭ  ،
كۈلۈپ تۇرۇپ يىغلاپ قالىسەن .

ئەكلىپ قويسا ھايات بىر چۆلگە ،
پۇلۇڭ تۇرۇپ ئاچمۇ قالىسەن  .
بىر تامچە سۇغا زار-زار بولۇپ  ،
جان قىيلىنىپ ھالدىن قالىسەن  .

كۈرۈشمەيمەن دىگەن كىشلەرگە  ،
تىزلىنىپمۇ يالۋۇرۇپ قالىسەن .
ھەتتا كۆزگە ئىلمىغان بىرنىڭ  ،
سىزىقدىنمۇ چىقالماي قالىسەن.

سۆيگەنلىرىڭگە نەپرەتتە قاراپ ،
دۈشمەنگە سالام قىلىپ قالىسەن.
بىزار بولغان بىراۋغا ھەتتا  ،
مەستخۇش بولۇپ ئايلىنىپ قالىسەن.

چۆگلەيدۇ تەقدىر چاقپىلىكى  ،
بىزارغا ئىنتىزار بولۇپ قالىسەن .
بۈگۈن ماڭغان بولساڭ ماشىندا ،
ئەتە پىيادە قېلىپ قالىسەن  .

چوڭ سۆزلىمە ھەركىمگە ھەتتا ،
سۆزلىيەلمەي تىلسىز قالىسەن  .
كۆرەڭلەپ كەتمە ئامەتلىرىڭدىن ،
خازان بولۇپ يالغۇز قالىسەن  .

ھايات شۇنداق ئۆتنە جاھان  ،
يىغلاتساڭ گەر يىغلاپ قالىسەن .
گۈل بولساڭمۇ ئېچىلالماي ھەتتا ،
بەتخۇش پۇراپ قۇرۇپ قالىسەن.

مېھىر بىرىپ ھۆرمەت قىلغاننى ،
قەدىرلىمسەڭ قەدىرسىز قالسەن  .
سۆزۈم ساڭا ئاددىيلا ئاڭلا  ،
ئېشىۋالما ئېشىپ قالىسەن   .

2016-يىل 12-ئاينىڭ 22-كۈنى
##ئاپتۇر ئەمگىكىگە ھۆرمەت قىلىڭ ##