ئاسمانغا ئاتقانىڭ ھەممىسى ئاتامدەك تۇتالمايدىكەن
ئاتام
ھەمدۇللا ئابدۇراخمان (ئۇيغۇربېك)
پەقەتلا مەن ئۈچۈن ياشايدىغاندەك،
جەندىدە شاھى تون كىيدۈرگەن ئاتام.
بەئەينى باياۋان ، ھايات بېغىمغا،
ئەجرىدە قىزىلگۈل كۈچۈرگەن ئاتام.
يېقىلسام يۆلىمەي ئۆزۈڭ تۇر دېگەن،
يىغلىسام ئۆزۈڭنى ئۆزۈڭ ئۇر دېگەن،
سەن ئەركەك ئىگىلمەي تۇرمەغرۇر دېگەن
قەھرىدە قەددىمنى كۆتۈرگەن ئاتام .
ئاش ئىچىپ سورىسام گۆش يىدىم دېگەن،
سىزيەڭ دەپ زورلىسام ئۆش ئىدىم دېگەن،
مەن ئۈچۈن ياغ بىلەن تۆش ئېلىپ يېگەن،
مېھرىدە بارىنى يىدۈرگەن ئاتام .
ئۆينى دەپ خىيالدا سۈكۈتكە چۆككەن،
يوقسىزلىق نەچچە رەت باغرىنى سۆككەن،
بىرئۈمۈر مەن ئۈچۈن باش ئېگىپ ئۆتكەن،
چېھرىدە قۇياشنى، ئۈچۈرگەن ئاتام .
54 قېتىم كۆرۈلدى | uyghurbek | ئەسەر يوللىغۇچى : | |
2016-10-19 22:39:04 | :يوللانغان ۋاقتى |
بۇ تېمىغا تېخى ئىنكاس يېزىلماپتۇ
تور بىكىتىمىزدىكى ئەسەرلەرنىڭ ئىشلىتىش ھوقۇقى تور بىكىتىمىزگە ۋە ئاپتورغا تەۋە بولۇپ، قالايمىقان كۆچۈرۈپ تارقاتقۇچىلارنىڭ مەسئۇلىيتى قاتتىق سۈرۈشتە قىلىنىدۇ. ئەمگىكىمىزگە ھۆرمەت قىلىڭ! باشقىلارنىڭ ئەمگىكىنى قەدىرلەش گۈزەل ئەخلاقتۇر!!!! بىكەت مەسئۇلى: نۇرمۇھەممەت ئالاقە تېلېفۇن - ئۈندىدار: 18999843588
www.yazghuqilar.com
新ICP备15002323号
|