سەن كەتكەندە (شېئىر) 

 قۇندۇزئاي

سەن كەتكەندە بولاتتىم غەمكىن، 

 خوشال بولدۇم بىراق بۇقېتىم.  

يۈرۈكۈمدە بۇزۇلماس رېتىم، 

مەنمۇ بولدۇم سېنىڭدەك تەمكىن.

سەن كەتكەندە يىغلاپ سالاتتىم، 

لېكىن بۇ رەت كەلمىدى يېشىم. 

 پىراقلاردا ئ‍اغرىيتى بېشىم، 

 ئ‍ەمدى يىغلاپ قانداق قىلاتتىم.

 سەن كەتكەندە سېنىڭ بىلەن تەڭ، 

  كېتەرئىدى يۈرۈكۈم بىرگە.

  سەن كۆندۈردۈڭ ئ‍اشۇ كېتەرگە،

مەنمۇ كەتتىم جاھان دېگەن كەڭ.