بىر نىشان كۆزلەپ

ئويلان يازمىسى

كۆڭۈل پەرىشان، توختىماس تەشۋىش

 دىلغا قايغۇ غەم، تولماقتا چەكسىز.

 شۇنچىلىك ئاجىز كەلمەكتە بەندە ،

گۇناھى ئېغىر جازا بار شەكسىز .

كۆردى بەزىدە ئۆزىنى كۆكتە،

 كۆردى بەزىدە بەختىنى كۈلدە.

 ئەمەسلىكى راست ياخشى بىر ئىنسان،

 يىغلىسىمۇ ئاز ئۇخلىماي تۈندە.

 پۇشايمىنى كۆپ ئەتمىشلىرىگە،

 كۈلىسۇ بەزەن كەچمىشلىرىگە.

 ئۆزىگە ئىنىق سىرلىرى پىنھان،

 ھەمرا كىم قېنى ئۆكسۈشلىرىگە.

 بىلىندى ھامان ئىستەكلا ھايات،

 مەنىسىز دۇنيا،بەرىبىر مامات.

 ھەممىسى توزۇپ كېتەر ئىستەكلا،

 دىدى ئىچىدە»خۇشلىقنى«يارات.

 ئۆتتى خېلىسى ئۆمۈرنىڭ تۈگەپ،

 تۇرار ئەسلىمە بۇ باشنى يۆگەپ.

 ئۈزىلسىمۇ يول بولمىسا ئىمكان،

 توختىمىدى كۆز بىر نىشان كۆزلەپ.