قېزىرىپتۇ ، دادام قويغان گېلاسلار
تۇرغۇن راخمان ( كەمتەر )

باغقا كېرسەم قېزىرىپتۇ ، دادام قويغان گېلاسلار ،
يېگۈم كېلىپ تەڭشەلدىميۇ ، لىكىن نەپسىم توختىدى ،
سۈكۈت قىلدىم بېراز جىمجىت ، ئەگىدىغۇ خىياللار ،
پىچىرلىدىم ئۆز - ئۆزۈمگە ، شۇئان يۈرەك سوقمىدى .

نەپەسلىرىم توختىغاندەك ، تىقىلدىغۇ يۈرۈگۈم ،
پېتىنمىدىم  ، دادام قويغان گىلاسلارغا قاراشقا ،
جىمجىتقىنە كېتىپ قالدىڭ ، ئىدىڭ مېنىڭ تۈۋرۈگۈم ،
قىزارسىمۇ سۇناي قانداق ، قوللۇرۇمنى گېلاسقا .

دادا قويغان گېلاسلىرىڭ ، مېۋىلەپتۇ كۆردۈڭمۇ ؟
شاخلىرىدا ساڭگىلاپتۇ ، مەي باغلىغان گېلاسلار،
شۆلگەيلىرىم ئاقتى دادا ، يىيەلمىدىم ، بىلدىڭمۇ ؟
ئۆز قولۇڭدا ئېلىپ بەرساڭ ، بولارمىدى ئارمانلار ؟

ئەجىر قىلماي يىيەلمىدىم ، مەي باغلىغان گېلاسلار ،
قاراپ قويۇپ ھوزۇرلاندىم ، خۇرسەن بولۇپ ئەجرىڭدىن ،
يوقلاپ تۇردۇم كۈندە بىر رەت ، چېرمىۋالغاچ خىياللار ،
يېمىسەممۇ رازى بولدۇم ، جېنىم دادا سېنىڭدىن .

بۈگۈن يەنە قەدەم ئالغان ، ئايلىناي دەپ بېغىڭنى ،
ئەگەشتىغۇ ئوماق نەۋرەڭ ، بىللە باراي دادا دەپ ،
تۇيۇقسىزلا ئوماق نەۋرەڭ كۆرسەتتىغۇ شاخلارنى ،
ئېلىپ بەرگىن يەيمەن دېدى ، پىشىپتىغۇ گېلاس دەپ .

بىلمىدىمغۇ ئۈزگىنىمنى ، نەۋرەڭ قولى گېلاسلار ،
ھوزۇرلاردا يىدى تاتلىق ، سەنمۇ يىگىن دادا دەپ ،
تاتلىق نەۋرەڭ ئېزىقتۇرغاچ ، يەپتىمەنغۇ گېلاسلار ،
يىگىن دىدىم تاتلىق نەۋرەڭ ، بوۋاڭ قويغان گېلاس دەپ .

مۇھەرىر : ئابدۇقەييۇمجان ئابدۇسادىرى 

ئۈندىدار : 2041420589