ئۇيغۇرۇم

كەلسە دەرتلەر بېشىڭغا باش ئەگمىگەن ئۇيغۇرۇم ،

 ئادالەتسىز ئىشلاردا ھەقنى ياقىلار ئۇيغۇرۇم .

 قۇرۇپ كەتكەن بوستانغا سۇنى باشلار ئىرىنمەي ،

شۇ چۆل بولغان ئېتىزنى بوستان قىلغان ئۇيغۇرۇم .

 چىڭقى چۈشتە ئاپتاپتا كەتمەن چاپار ئۇيغۇرۇم ،

ئىشلەپ يەيدۇ، ھارامغا يول بەرمىگەن ئۇيغۇرۇم ،

 قەلبى گويا بىر ئېتىز ياخشىلىقتىن ئورۇق چاچ ،

 شۇ ئۇرۇققا جاۋابەن كۆكلەم بەرگەن ئۇيغۇرۇم .

 مەرىپەتكە يول ئاچقان ساخاۋەتلىك ئۇيغۇرۇم ،

 ئىنساپ بىلەن ياشىغان كىتاپخۇمار ئۇيغۇرۇم .

ئۆز يولۇڭنى تاپالماي قالساڭ ئەگەر دالىدا ،

 توغرا يولنى كۆرسەتكەن قەلبى ئاتەش ئۇيغۇرۇم .

ياخشى نامىڭ تارقالغان شىنجاڭلىق دەپ جاھانغا ،

ئۆز قەۋمىنى قوغدىغان جاسارەتلىك ئۇيغۇرۇم .

شۇ ياخشىلار ئىچىدە يامانلارمۇ ھەم مەۋجۇت ،

 ئۆز ئەسلىڭنى ئۇنۇتما ئازغۇن بولغان ئۇيغۇرۇم .

ئەسلى ئۇيغۇر ئاقكۆڭۈل كىشىگە قىلماس يامانلىق ،

 ئەدەپ ئەخلاق بابىدا نۇرلۇق چاقنار ئۇيغۇرۇم .

ئەتلەس بىلەن كانىۋار ئۇيغۇرلارنىڭ سىمۋولى ،

 شۇ دوپپىنى تاشلىما باشتاق يۈرگەن ئۇيغۇرۇم .