يىڭى يىللىق سالام يەتسۇن قېرىنداشلار !
(مەۋلىدە ئىسرائىل )
ئانا يۇرتقا سۆيگۈ تۆككەن قەلىبداشلار،
كانغا كۆيگەن، كاننى سۆيگەن يۇرتداشلار .
چەكسىز ئۇتۇق تىلەپ ھەر بىر ئىشىڭلارغا،
يېڭى يىللىق سالام يەتسۇن قېرىنداشلار !
يۇرتنىڭ ئوتى پەرزەنتلەرگە مۇقەددەس ئوت،
ئوتتا كۆيگەن ئەزىزلىرى گۈللىتەر يۇرت ،
دەيدۇ يۈرەك يۇرت -ئەل بىلەن نەپەسداش ئۆت ،
يېڭى يىللىق سالام يەتسۇن قېرىنداشلار !
ئامان تۇرۇپ ئۆي ئىچى ھەم بالىلىرىڭلار،
ئوقچۇپ ئىقىپ تومۇردىكى قانلىرىڭلار،
سىھھەت بولغاي ھەركۈن ئەزىز جانلىرىڭلار،
يېڭى يىللىق سالام يەتسۇن قېرىنداشلار !
تىنچلىقتا قايناقسۇمۇ تېتار تەملىك ،
ئەڭ ئەۋزىلى ئىنسان ئۈچۈن خاتىرجەملىك ،
ئامان-ئېىسەن يۈرگەيسىلەر بولماي غەملىك،
يېڭى يىللىق سالام يەتسۇن قېرىنداشلار !
ئىشچانلارغا ھوسۇل تۆكەر ئىش ۋە ھەرىكەت،
تىرىشچانلىق خەلقىمزگە ئۇدۇم خىسلەت ،
ئېلىپ كەلگەي بۇ يېڭى يىل يۇرتقا بەرىكەت ،
يېڭى يىللىق سالام يەتسۇن قېرىنداشلار !
پورەك ئاچقاي مېھىر بىرلە سۇغۇرغان گۈل،
ئۆتۈشكەيمىز ساخاۋەتتە ئىزدەپ كۆڭۈل ،
تەڭ كۈلەيلى سائادەتتە تۇتۇشۇپ قول،
يېڭى يىللىق سالام يەتسۇن قېرىنداشلار !
111 قېتىم كۆرۈلدى | مەۋلىدە ئىسرائىل | ئەسەر يوللىغۇچى : | |
2015-12-31 22:57:44 | :يوللانغان ۋاقتى |
بۇ تېمىغا تېخى ئىنكاس يېزىلماپتۇ
تور بىكىتىمىزدىكى ئەسەرلەرنىڭ ئىشلىتىش ھوقۇقى تور بىكىتىمىزگە ۋە ئاپتورغا تەۋە بولۇپ، قالايمىقان كۆچۈرۈپ تارقاتقۇچىلارنىڭ مەسئۇلىيتى قاتتىق سۈرۈشتە قىلىنىدۇ. ئەمگىكىمىزگە ھۆرمەت قىلىڭ! باشقىلارنىڭ ئەمگىكىنى قەدىرلەش گۈزەل ئەخلاقتۇر!!!! بىكەت مەسئۇلى: نۇرمۇھەممەت ئالاقە تېلېفۇن - ئۈندىدار: 18999843588
www.yazghuqilar.com
新ICP备15002323号
|