سەنىسىز (شېئىر)

 بۇخەلچەم ھۈسەن

چىن سۆيگۈڭگە ئىدىمغۇ مۇھتاج ،
 نەچارەم بار ئاجىزمەن ئاجىز .
  ئويلاپ قالدىم تەلىيىم بەك كاج ،
 ھەسرەت پىغان كۈنلۈرۈم سەنسىز .

كېچەلمەيمەن سەندىن ھەر زامان ،
چىن سۆيگۈمنى چۈشەنسەڭ چەكسىز .
گۈلدەك چىراي بولدىغۇ سامان ،
ئۆتەرمەنمۇ جەننەتتە سەنسىز .

 سېغىنىمەن كۈندە كۆرسەممۇ ،
 ياشاپ ئۆتسەم  غەمسىز ۋە دەرتسىز .
قۇچاقلىرىڭ ئىللىق باھارمۇ ،
سەرسانىمەن ۋەيرانە سەنسىز .

  ئارمانىم شۇ سەن بىلەن ياشاش ،
 ياش غۇنچىدەك خۇددى غوبارسىز .
تۈكۈلەرمۇ يامغۇر كەبى ياش،
ئاچچىق ئازاپ كۈنلۈرۈم سەنسىز .