بەخىت ئارزۇسى
ھەسەنجان ئارىپ
تىمتاس ئىدى بۇ قەلبىم دېىڭىزدەك سىرلىق،
سەكرەپ چۈشتۈڭ باغرىغا شۇنداق يېقىملىق.
بىلدىم شۇ دەم بۇ بەك شىرىن مۇھاببەت ئكەن ،
ۋىسالىڭدا جان تاپتى ئەمدى يىتىملىق.
توۋا دەيمەن مۇھاببەتمۇ شۇنداق بولامدۇ،
قايتا باشتىن تىرىلگەندەك بولدۇمغۇ بۈگۈن.
قۇدرىتىڭدە كۆيدى يۈرەك سۆيگۈم تەڭداشسىز ،
يۇرۇپ دىلىم، قايغۇ تامام، يوقالدى تۈگۈن .
بۇرۇن قىيناپ ئۆتۈپتىكەن مىنى تەنھالىق ،
كۆڭلۈم يېرىم دىلىم سۇنۇق،يوقتى خۇشاللىق.
سەن سەۋەپلىك ھاياتىمغا قۇشۇلدى شاتلىق،
قەدىرلەيمەن سەن مەن ئۈچۈن تېپىلماس بايلىق.
سەن بېغىمدا ئېچىلغان ھاياتلىق گۈلۈم،
تىلىگىم شۇ ساداقىتىڭ بولسىكەن پۈتۈن.
ئارزۇلىرىم،ئۈمۈدلىرىم بولمىسۇن بەرباد،
قوللىرىڭدا قايناپ قازان چىقسىكەن تۈتۈن!
2016-يىل-29-يانىۋار ھەسەنجان ئارىپ (ئاۋات ناھىيە يېڭرىق يېزىسىدىن)
| 310 قېتىم كۆرۈلدى | ھەسەنجان ئارىپ | ئەسەر يوللىغۇچى : | |
| 2016-1-31 11:25:00 | :يوللانغان ۋاقتى | ||
بۇ تېمىغا تېخى ئىنكاس يېزىلماپتۇ
|
تور بىكىتىمىزدىكى ئەسەرلەرنىڭ ئىشلىتىش ھوقۇقى تور بىكىتىمىزگە ۋە ئاپتورغا تەۋە بولۇپ، قالايمىقان كۆچۈرۈپ تارقاتقۇچىلارنىڭ مەسئۇلىيتى قاتتىق سۈرۈشتە قىلىنىدۇ. ئەمگىكىمىزگە ھۆرمەت قىلىڭ! باشقىلارنىڭ ئەمگىكىنى قەدىرلەش گۈزەل ئەخلاقتۇر!!!! بىكەت مەسئۇلى: نۇرمۇھەممەت ئالاقە تېلېفۇن - ئۈندىدار: 18999843588
www.yazghuqilar.com
新ICP备15002323号
 |
