دەز كەتكەن يۈرەك

تۇنساگۈل ئىسمائىل(قەشقىرى)

♦

ئاغرىدى ئاغرىدى ئاغرىدى يۈرەك،

ئاغرىتقان ھەممىدىن ئاغرىدى يۈرەك.

تۈكۈرگەن تۈكرۈكنى ئالغىلى بولماس،

 ھەممىدىن ئەتۋا پاختىدەك يۈرەك.

♦

سۆزۈڭنى توغرا قىل داۋاسى يوقتۇر،

سۆز دىگەن ساداقتىن ئېتىلغان ئوقتۇر.

 ئويلىشىپ قىلمىساڭ سۆز ساڭا دۈشمەن،

 يۈزۈڭگە سۈركەلگەن بىر كەتمەن پوقتۇر.

 ♦

 ئۆزۈڭگە ئىشىنىپ سۆزلىمە يوغان،

ئىسپاتلاپ بىرەلمەي بولىسەن يالغان.

 زىدى پەس ئىشپىيون پايلاقچىلار كۆپ،

ئېغزىڭغا ناۋاتتىن سالىدۇ توغان.

♦

ئالدىراپ بىراۋغا ئىشىنىپ كەتمە،

 ھىجايسا بىر قاراپ دەردىڭنى تۆكمە.

چىرايى ئادەمدۇر قەلبىدۇر ھايۋان،

يۈرەكتىن پەرىق ئەت كۆزۈڭدىن ئەتمە.

♦

گاھىدا تاش ئىكەن گاھىدا پاختا،

 ئىنسانمۇ ماسلاشقان دەرجىلىك ساختا.

ئۆزىنى سورىسا كۆڭۈلسىزلىك يوق،

 قارلىنىپ يۈرمەيتى تۇراتتى ئاقتا.

 ♦

كۆڭلىڭنى كەڭرى تۇت دۇنيامۇ سىغسۇن،

يۈرۈكۈڭ ئۆزۈڭدىن سۆيۈنسۇن كۈلسۇن.

مىھرلىك قارىغىن تەبەسسۇم بىلەن،

دۈشمىنىڭ ھەسەتتىن يېرىلىپ ئۆلسۇن…

 ♦

-تۇنساگۇل ئىسمائىل(قەشقىرى)

♦-2016-07-11ئۈرۈمچى ♦