سەن مېنىڭ بارلىغىم
تۇرغۇن راخمان (كەمتەر)

پەقەت باردۇر بىرلا ۋەتىنىم، بارىم،
سۆيىمەن ۋەتەن، مەڭگۈ قىلىپ تازىم،
ياشاي ئەبەد، قوينۇڭدا يايراپ خۇشال،
ۋەتىنىم ئانام،سەن مېنىڭ بارلىغىم.

ۋەتېنىم قوينۇڭدا تۇرمۇشۇم راھەت،
سەن بولغاچ كۆرمۈدۈم جاپا-مۇشەققەت،
ئاداققى تېرىشىپ ئاقلاپ بۇرچىمنى،
ئەل ئۈچۈن ياشايمەن،دېمەي شەخسىيەت.

ۋەتېنىم قۇياشىم، نۇرلىناي ئەبەد،
ئويلايمەن پەقەتلا، ئىللىق جەمئىيەت،
تەۋرەنمەس مەيدانىم، ياشايمەن مەغرۇر،
قورام تاش چۈشسىمۇ،تۇرىمەن مەزمۇت.