ئەڭ بۈيۈك فىلىم

ئىبراھىم ياسىن (ئوغلان )

سۈكۈت بۇزۇلۇپ باشلىنار فىلىم ،
بۇ فىلىمدە  رول ئالىدۇ ئىنسان .
ئالار ھەم ھەركىم ئۆز تەقدىرىنى
بۇنى بىلمەيدۇ نادان ھېچقاچان .

بولسىمۇ سۆيگۈ ھەركۆرۈنۈشتە ،
لېكىن  مۇھەببەت ئىزدەيدۇ ئىنسان .
بەزى كۆرۈنۈش يىغلاتسا بىزنى ،
بەزى كۆرۈنۈش قىلدۇرار خەندان .

يامانلىقلارغا كۈن يوقتۇر ئەسلا
ياخشىلىقلارنى كۇيلەيدۇ ھامان .
مانىۋېرى يوق فىلىمدە ئەسلا ،
ھەر قەدەم كەسكىن جەڭگاھتۇر ھامان .

يىغلىغانلارمۇ يالغان يىغلىماس ،
كۈلگەنلەرنىڭمۇ قەلبىدۇر پىنھان .
ئاسىيلىق قىلغان  ئۈچۈن يوپۇرماق  ،
يەرگە چۈشۈپلا بولماقتا  خازان .

خاتا باسقان شۇ قەدەملەر ئۈچۈن ،
سوراق ئالىدۇ  ھەر قەدەم ۋىجدان .
توغرا يولىنى باسقانلار ئۈچۈن ،
كېتىپ قالسلا قاينايدۇ قىيان .  

ھايات دىگەن ئۇ ئەڭ بۈيۈك فىلىم ،
ھەر كۆرۈنۈشى شۇنچىلىك گۇزەل .
ئاڭلساڭمۇ گەر ھەتتا مىڭ قىتىم 
ئاڭلىغىنىڭدىن بىر كۆرگەن ئەۋزەل .

2017-يىلى 5-ئاينىڭ 27- كۈنى.

تەھرىرلىگۈچى :مۇھەممەدتوختى سەببەت.

مۇھەرىر : ئابدۇقەييۇمجان ئابدۇسادىرى 

ئۈندىدار : 2041420589