كەچۇر ئانا

باشلامچى

كەچۈر ئانا كۆڭلۈڭنى

 رەنجىتكىنىمنى،      

     ساڭا كۆڭۈل بولەلمەي،

ئونۇتقۇنۇمنى.      

    تەربىيەڭنى ئاڭلىماي،

قاچقانلىقىمنى،   

    سېنى تاشلاپ يىراققا،

  كەتكەنلىكىمنى. . .

         بىر چاغلاردا ياش ئىدىڭ،

شۇنچىلىك گۈزەل،

مەن تۇغۇلدۇم،     

                  كۆردۈڭ مېنى ياشلىقتىن ئەۋزەل.

  مەن ئۈچۈنلا ياشىدىڭ،

 ئوت بوپ بىر مەھەل،

                 كەچۈر ئانا يېنىڭغا بارالمىدىم،     

   ھەممىدىن ئەۋۋەل. . .

دادام ماڭا كايىسا،  

 ئارىغا كىرەتتىڭ،  

           يالغۇز غەمكىن ئولتۇرسام،

ھەمرا بولاتتىڭ.  

    يىراق سەپەر ئالغاندا

قاراپلا قالدىڭ،    

       كەچۈر ئانا ئوغلۇڭنى،   

     بولساڭ كۈلەتتىڭ. . .  

جان بالام دەپ،        

         باغرىڭغا باسقان كۈنلەرنى،  

   سېغىندىممەن جان ئانا،

نۇرلۇق يۈزلەرنى.    

   ماڭا ئىلھام كۈچ بەرگەن،

ئۇلۇغ قوللارنى،        

كەچۈر ئانا ئوغلۇڭنى   

ئاجىز كۆزلەرنى. . .   

    مەن ئۈچۈن تارتقانلىرىڭغا،

جان بىرەلمىدىم،         

تەربىيە نەسھەتلىرىڭگە،

يۈز كېلەلمىدىم.          

سەن ئۈچۈنلا ئۆزۈمنى،  

ئاتىيالمىدىم،            

كەچۈر ئانا سەن ئۈچۈن،

كۈچ بېرەلمىدىم.