سۆزلەنمىگەن قىسسە

ئابدۇراخمان ئابدۇللا

 ئارىمىزدا بېسىلمىغان بىر قەدەم،

 گۈل بەرگىدىن شەبنەملەرنى سىرغىتتى.

 سۆزلەنمىگەچ يۈرەكتىكى قىسسەلەر،

 كۈز بورىنى ياپراقلارنى ئىرغىتتى.

 تۈتەپ-تۈتەپ پىراقىڭدا كۈل بولدۇم،

يالقۇنۇمدا باغرىڭنى چاك ئېتەلمەي.

 خازان كەبى كوچىلاردا خار بولدۇم،

 سېنى ئىزلەپ مەھەللەڭدىن كېتەلمەي.

 ئايۋىنىڭغا ئۇۋا ياسار قارلىغاچ،

مۇھەببەتنى قانىتىدا بەزلەيدۇ.

 يىراق-يىراق سۆيۈش ھەمدە سۆيۈلۈش،

 يۈرەك سېنى ھەر سوققاندا ئەسلەيدۇ……