چاقچاقلىرىڭ ئىغىركەن دۇنيا
گۈزەل
كۈلمەك بولۇپ يارالغان كۆزلەر،
كۈلۈشلەرگە كۆنگەن كۆڭۈللەر.
قايان كەتتى ئاشۇ كۆنۈشلەر،
چاقچاقلىرىڭ ئىغىركەن دۇنيا.
كۈتۈشلەردە قىلىپ ئىنتىزار،
كۈتكەنلەرنى قاخشاتتىڭ زار زار.
كۈتۈش كىمگە بولغان ئىختىيار،
چاقچاقلىرىڭ ئىغىركەن دۇنيا.
ئەللەي ئەتكەن بۆشۈكلىرىڭدە،
ئەللەيلەتتىڭ قىسمەتلىرىڭدە.
ھالسىراتتىڭ كەچمىشلىرىڭدە،
چاقچاقلىرىڭ ئىغىركەن دۇنيا.
ئۆتمۈشلەردىن سۈرگەندە خىيال،
خىجالەتتە قىيناركەن سوئال.
ھايات ئىيتۇر： ئۇيالغىن ئۇيال،
چاقچاقلىرىڭ ئىغىركەن دۇنيا.
تامايىم يوق ئالقىشلىرىڭدىن،
ئالقىشلاردا كۈيلەشلىرىڭدىن.
ئەنسىرەيمەن قارغىشلىرىڭدىن،
چاقچاقلىرىڭ ئىغىركەن دۇنيا.
2015-8-14
| 438 قېتىم كۆرۈلدى | Guzal | ئەسەر يوللىغۇچى : | |
| 2015-8-15 0:47:54 | :يوللانغان ۋاقتى | ||
بۇ تېمىغا تېخى ئىنكاس يېزىلماپتۇ
|
تور بىكىتىمىزدىكى ئەسەرلەرنىڭ ئىشلىتىش ھوقۇقى تور بىكىتىمىزگە ۋە ئاپتورغا تەۋە بولۇپ، قالايمىقان كۆچۈرۈپ تارقاتقۇچىلارنىڭ مەسئۇلىيتى قاتتىق سۈرۈشتە قىلىنىدۇ. ئەمگىكىمىزگە ھۆرمەت قىلىڭ! باشقىلارنىڭ ئەمگىكىنى قەدىرلەش گۈزەل ئەخلاقتۇر!!!! بىكەت مەسئۇلى: نۇرمۇھەممەت ئالاقە تېلېفۇن - ئۈندىدار: 18999843588
www.yazghuqilar.com
新ICP备15002323号
 |
