مەي (شېئىر) 

 ئىسلامجان ماخمۇتجان

مەي ، ئېيتقىنا ئەپسۇنىڭ نېمە؟
ئازاپلىق كۆڭۈلگە بەرگىنىڭ نېمە؟
دائىما ئىزلەركەن سېنى سېغىنىپ،
غەمخانە يۈرەككە بەرگىنىڭ نېمە؟

ئىدىشتا ساقلىنىپ ئېچىغىنىڭ راس،
قوللاردىن قەدەھكە قۇيۇلدىڭ ئاز_ئاز.
تۆت قەدەھ ساھىبى بولسا ئېغىزى،
سەيناغا چۈشىدۇ ئوينىشىپ غاز_غاز.

گاھ كۈلكە،گاھ يىغا قىلدىڭ ھەدىيە،
ئۈلپىتى بولدۇڭ سەن قېرى ياشلارنىڭ.
ئادەتتە تىۋىشسىز يۈرگەن ياۋاشلار،
سەن بىلەن قېتىلار سەپكە شاشلارنىڭ.

بەزىلەر سېنىڭدىن ئىچسە بىر قەدەھ ،
چۈشمەيدۇ پەقەتلام ئاغزىدىن تارىخ.
مەشرىقنى،مەغرىپنى ئايرالماي لېكىن،
ئېغىزدا شەھەرنى ئالار ۋادەرخ.

ھەي شاراپ ،ئېيتقىنە سىرىڭنى زادى،
كەيىپمۇ  ۋەياكى غەملەر تۈگىنى.
سىرىڭنى بىلەلمەي قىينالدىن ئەپسۇس،
ئەيتاۋۇر سەن بىلەن غەملەر تۈگىدى.