تاپمىدىم (شېئىر)

 ماھىنۇر  ئابدۇرھېم

كەزدىم تاغۇ  دەريالار ،ئېشىپ ئىگىز داۋانلار  ،
باردىم دەشتى چۆللەرگە ،غەمگۈزارنى تاپمىدىم .


قىلىپ نالە ھەر يانغا، تەلمۇرىمەن ئىزدەيمەن ،
لىكىن قايدا كەتتىڭ سەن،سىمايىڭنى  تاپمىدىم .


ئاتا دەيمەن توۋلايمەن، ئۈنۈم  يەتمەس يىراققا،
كۆككە   يەتتى پەريادىم ،دىلخانەمنى  تاپمىدىم .


مېنىڭ ئېتىم، يايلىقىم ،بايلىقىم  ھەم  خوشلۇقۇم،
ئېدىڭ  دادام قايدىسەن؟ سېنى  ئىزدەپ تاپمىدىم .


ھەسرەتلىرىڭ  ئۆرتىدى يۈرىگىمنى  زەپ  دادا ،
مىھرى  چەكسىز، ئەپۇچان ئاقكۆڭۈلنى  تاپمىدىم.


ئۆيلەر  سالدىم ئازادە، مىھمانلىرىم كۈلسۇن دەپ،
ئەمما  دادا  ساڭا چاي  ،سۇناي دىسەم تاپمىدىم .


توي  قىلىشتىن مەن ئاۋال ھىچ نەرسىنى بىلمەيتىم،
تىكىپ كۆرپە تىزغاندا ،سالاي  دىسەم  تاپمىدىم


ھەر دۇئادا جان دادا ،  بەختىمىزنى  تېلەيتىڭ ،
بەخىت ھوزۇرى  سۈرگەندە  سېنى  ئەجەپ  تاپمىدىم .


ئەمدى مەڭگۈ  مەن سېنى ، تاپالماسمەن  جان دادام ،
مېنى  سەندەك سۆيگەننى ،ئىچ  كۆيەرنى  تاپمىدىم .