ھىجرانى بار مۇھەببەت بولسا

قەيەرلەردە قالدى قاغجىراپ ،

 ياش توختىماس مۇڭلۇق كۆزلىرىڭ .

ئ‍ەمدى تاش بوپ كەتكەن ئ‍وخشايسەن ،

 بىلدۈردىغۇ سۆزۈڭ ، يۈزلۈرۈڭ .

 مەشۇقىڭغا ھەمراھ تىنىقىڭ ،

 توختىدىمۇ ئ‍ېغىر ئ‍ۇھسۇنۇپ .

 قەدەملەردە سۇلتانتىڭ ئ‍ۆزۈڭ ،

 ئ‍ەمدى شۈكلەپ قاپسەن بويسۇنۇپ .

يىراقلارغا باقمايمەن دەيسەن ،

ئ‍ەمما نازۇك تېۋىشلار تۇرسا .

 يىغلىمايمەن دېيەلەرسەنمۇ ،

ھىجران كېلىپ قامچىلاپ ئ‍ۇرسا .

 مۇھەببەتنى قولدا دەپ چاغلاپ ،

 يۈرەكلەرنى باقمىدىڭ تىڭشاپ .

 سۆيگەنلەرغۇ قان يىغلاپ قالدى ،

 سۆيمىگەنلەر كەتتىغۇ ئ‍وڭشاپ.

تامام ئ‍ەتتىڭ خىيالىڭدا سەن ،

 سېغىنىشنىڭ سىناقلىرىنى .

 ھىجرانى بار مۇھەببەت بولسا،

 بىلمەي قالدىڭ قىيناشلىرىنى .

 شېرزات ئادىلجان ھۈكەر