نىشان
ئىكرام توختى *  ئىنتىل *

ئارزۇلار تىكلىدىم يالغۇز دالدىدا ،
قۇش بولۇپ يېڭىلا كۆككە ئۇچقاندا .
بورانلار قارشىلىق قىلدى غايەمگە ،
قانىتىم قايرىلدى دۈشمەن ئالدىدا .

دىلىمدا بولغاچقا بۈيۈك ئارزۇلار.
قوروقماي كەلسىمۇ رەزىل بورانلار .
نىشانىم  كۆزۈمدە پارلىغان قۇياش ،
تىرىشچان ئىنسانغا داغدامدۇر يوللار .

ماڭىمەن ئارزۇيۇم قاپتاللىرىدا ،
دوستلار سىز قالساممۇ غېرىپ ھەم تەنھا .
ماڭىمەن نىشاندىن ئازماي مەڭگۈگە ،
ھاياتىم چاقنايدۇ ۋىجدان نۇرىدا .

قاراڭغۇ بولسىمۇ ھايات ئەتىسى ،
تىكلەندى ئەتەمنىڭ گۈزەل كەلگۈسى .
جاپالار بولسىمۇ ھەر - بىر قەدەمدە ،
تىرىشسا نىشانغا بالدۇر يەتكۈسى .

نىشانىم ئەمەلگە ئاشقاندا ھامان ،
نىشاندىن تىكلەيمەن بۈيۈك بىر ئارمان .
ئارمىنىم روياققا چىققان بولىدۇ ،
ۋەتىنىم مەڭگۈگە بولسىلا ئامان .