مېھرى بولماس يانالماس
تۇرغۇن راخمان (كەمتەر)

بوغۇپ قويسا قاناتى،
قۇشلار پەرۋاز قىلالماس،
مېھىرلەنمەي ئوزۇقتىن،
جەڭگاھلارغا بارالماس.

قېتىپ كەتسە يۈرىكى،
ھېچكىم ئۇنى ئاچالماس،
قەلب نۇرى ئۆچكەندە،
ۋىسالىنى تاپالماس.

تەندە روھلار بولمىسا،
ئىشىك ئېچىپ چىقالماس،
ئۈمىدسىزلىك دەستىدىن،
گۈللەرنىمۇ پۇرالماس.

ئازابىدا قىيلىنىپ،
ئورنىدىنمۇ تۇرالماس،
شۇڭا دەيمەن ئەي دوستۇم،
مېھىر بولماي يانالماس.