سەن قىلغاننى بىلمىسۇن ( ساتىرا )
يۈسۈپجان سايرامى ( زىنھار)
چۈشۈپ كەتسۇن ھاڭلارغا ،
ئورا كولاپ كۈتىۋال .
سەن قىلغاننى بىلمىسۇن ،
كۆزىنى مەھكەم تېڭىۋال.
ئۇتۇق قازىنىپ كەلدى ئاخىر ،
ھىيلە مىكىرلەرنى پۈكىۋال .
سەن قىلغاننى بىلمىسۇن ،
ئەل ئالدىدا يۈزىنى تۈكىۋال.
نام تېپىپ كەتتى دوستۇڭ ،
غەيۋىتىنى راسا قىلىۋال .
سەن قىلغاننى بىلمىسۇن ،
يۈرىكىگە بىر تىغ ئۇرىۋال .
بەك بەخىتلىك ئۆتۈپتۇ ،
ھەسەت ئوتىنى يېيىۋال.
سەن قىلغاننى بىلمىسۇن ،
يامانلىق قىلىپ ئايرىۋال.
پەس كۆرۈپ سەن ئۇنى ،
ئۆزەڭنى بىر چوڭ تۇتىۋال.
سەن قىلغاننى بىلمىسۇن ،
يوغان ماشىناڭنى كۆرسىتۋال.
كۆزى كۆرمەس بىراۋنىڭ ،
مازاق قىلىپ كۈلىۋال .
سەن قىلغاننى بىلمىسۇن ،
ئۈسۈپ سۇقۇپ ئۈتىۋال.
پۇلى كۆپكەن بىر باينىڭ ،
كۈندە خۇشامەت قىلىۋال .
سەن قىلغاننى بىلمىسۇن ،
ئەپلەپ -سەپلەپ ئېلىۋال.
خاتا قىلدى بىر ئىشنى ،
بارچە خەققە بىر دەۋال .
سەن قىلغاننى بىلمىسۇن ،
ئەيىپىنى تازا ئېچىۋال .
كىيىنىشى ئاددىي ئىكەن ،
مەتو دەپ ھەم تىللىۋال .
سەن قىلغاننى بىلمىسۇن ،
بولسا ئازراق يىرتىۋال .
چىرايلىق ئىككى قىز كىلۋېتىپتۇ ،
بىرنىڭ نومۇرىنى سورىۋال .
سەن قىلغاننى بىلمىسۇن ،
ئەخمەق قىلىپ چېلىۋال .
ئاتا ئاناڭ نەدە دىسە ،
مەن ئالدىراش خوش دەۋال .
سەن قىلغاننى بىلمىسۇن ،
كېچە كۈندۈز ئوينىۋال .
يازسا شۇنداق بىر شېئىر ،
ئۆزەم يازدىم بىر دەۋال .
مەن يازغاننى بىلمەي قالسۇن ،
ئىمزايىڭىنى ئۆزگەرتىۋال.
2016-يىل 10 -ئاينىڭ 8-كۈنى. كېچە.
##ئاپتور ئەمگىكىگە ھۆرمەت قىلىڭ ##
161 قېتىم كۆرۈلدى | zinhar | ئەسەر يوللىغۇچى : | |
2016-11-20 11:36:42 | :يوللانغان ۋاقتى |
بۇ تېمىغا تېخى ئىنكاس يېزىلماپتۇ
تور بىكىتىمىزدىكى ئەسەرلەرنىڭ ئىشلىتىش ھوقۇقى تور بىكىتىمىزگە ۋە ئاپتورغا تەۋە بولۇپ، قالايمىقان كۆچۈرۈپ تارقاتقۇچىلارنىڭ مەسئۇلىيتى قاتتىق سۈرۈشتە قىلىنىدۇ. ئەمگىكىمىزگە ھۆرمەت قىلىڭ! باشقىلارنىڭ ئەمگىكىنى قەدىرلەش گۈزەل ئەخلاقتۇر!!!! بىكەت مەسئۇلى: نۇرمۇھەممەت ئالاقە تېلېفۇن - ئۈندىدار: 18999843588
www.yazghuqilar.com
新ICP备15002323号
|