ھايات
(ئابابەكرى ئىزگۈ)

ھايات ئۈچۈن نىمە مۇھىم بىلەمسەن ؟
مېلىڭ تۇرۇپ ئىھسان قىلساڭ ئۆلەمسەن.
ھەربىر كىمنىڭ ھەققى بارغۇ ياشاشقا ،
يەنە شۇنچە پىخسىقلىق قىپ يۈرەمسەن.

مىسكىنگە تائام بەر قىلما چوڭچىلىق !
ئىسىللىق  ئۇ  دىگەن  بىباھا  قىلىق .
ياردىمىڭ ئايىما دەردمەن گادايغا ،
كىشىگە ھەم بولغىن سىپايە سىلىق .

تۆت كۈنلۈك ئالەم بۇ شۇنچىلىك قىسقا ،
نام قالدۇر ئىزدەنگىن بولمىغىن لەقۋا .
گەر جاپا تارتساڭمۇ چىدىغىن چىشلەپ ،
ھەق يولدىن يانمىغىن بولغىن ھەم تەقۋا .

كەينىڭدىن گەپ تاپسا غەيۋەتلەر قىلىپ ،
ھۆرمەت قىل يامانغا ياخشىلىق قىلىپ .
كىشىنىڭ كىشىدە  قالماس   زەررىچە ،
بۇ دىگەن ئەزەلدىن ئۆزگەرمەس قېلىپ .

2016 - يىلى كورلا