سېنى كۆرمىسەم دەيتتىم

💔 تەقدىر 💔 خوتەن قىزى  مىھىرنىسە ئابدىرىشىت

كىتىۋاتسام يوللاردا غەمسىز ،
شۇنداق خۇشال ، كۈلكەم ياڭرىتىپ .
ئۇچراپ قالدىڭ ئالدىمغا جېنىم ،
يۈرۈكۈمنى تىلىپ ، ئاغرىتىپ .

خالىمايتتىم سېنى كۆرۈشۈشنى ،
ئاھ … ئۆزۈمنى بۇنچە زارلىتىپ .
سېغىنساممۇ جىمجىت چىدايتتىم ،
كۆزلىرىمنى ياشلاپ ، مۇڭلىنىپ .

راسلا دىلدىن سۆيەتتىم سېنى ،
قالغان شۇڭا يۈرەك يارلىنىپ .
سېنى كۆرۈش ئازاپلىق لىكىن ،
غېرىب بولغان سۆيگۈم خارلىنىپ .

نىمىشقىمۇ كۆرگەنتىم سېنى ،
شاتلىقىمدىن قالدىم ئايرىلىپ .
دىلىم ئۆكسۈپ كەتتى بىلەمسەن ،
قارىغانتىڭ  ئاستا قايرىلىپ .

سېنى پەقەت كۆرمىسەم دەيتتىم ،
ئاچچىق ئۆتمۈش ، ئېسىمگە كېلىپ .
يىللار بېرى يىغلاتقان مېنى ،
يۈرۈكۈمدە ئۆچمەس داغ قېلىپ .


ئانىڭىزنىڭ ئاق سۈتىنى ئەمگەن بولسىڭىز ، ئىسمىمنى ئۆچۈرمەڭ ، كۆچۈرمەڭ ، قالايمىقان ئۆزگەرتمەڭ ، ئەسلىسىنى تارقىتىڭ . ئەجرىمگە  ھۆرمەت قىلىڭ .
2016     -   11    -     20