يالغۇز كىتەرمەن

ئەسكى

 قاقشىمايمەن يالغۇز قالدىم دەپ ،
تەقدىرىمنى يالغۇز كۆرەرمەن .
يالغۇزلۇقمۇ يامان ئىش ئەمەس ،
يالغۇز كەلدىم يالغۇز كىتەرمەن .

ئۆز ئىشىمنى ئۆزۈملا قىلىپ ،
يالغۇز قالسام غەنىيمەت بىلىپ .
نىمە قىلاي قاقشاپلا يۈرۈپ ؟!
قاقشىساممۇ يالغۇز كىتەرمەن .

سەۋەبىم يوق خۇشال بولغۇدەك ،
يا كۆزۈمگە ياشلار ئالغۇدەك .
نىمەم قالدى مەن تارتىشقۇدەك ؟
تارتىشساممۇ يالغۇز كىتەرمەن .

ئۇرۇق - تۇغقان دوستلاردىن باشقا ،
كۆنۈپ قالدىم يالغۇز ياشاشقا .
چىدىمايمەن ئۇلارغا لىكىن ،
ئامالىم يوق يالغۇز كىتەرمەن .