كىلىدۇ
 ھوشۇر ئ‍امىرجان ئ‍اتەشى تاجىك

قاقشاپ  يۇرىمە يوقلۇقتىن ياخشى زامان كىلىدۇ ،
ئ‍امان بولسا جانۇ -تەن ، بەختمۇ ھامان كىلىدۇ .
قايغۇ ئ‍ەمەس مەڭگۈلۈك ، ئ‍ۇ ۋاقىتلىق كەلگۈلۈك ،
بولۇپ يۇرسەڭ ئ‍ۈمۈدلىك كۈلكە -خەندان كىلىدۇ .

نامراتمەن دەپ يۇرىمە بايلىقىڭدۇر جۈپ قولۇڭ ،
ھېچ كىشىگە يۈكۈنمە ، يەر بولمىسۇن غۇرۇرۇڭ .
بالىسىزمەن دەپ يۇرىمە ،ۋىجدان قوشماق ئ‍ۇغۇلۇڭ .
بولساڭ مەردۇ -مەردانە ، سالامغا خان كىلىدۇ .

باقساڭ كېچە ئ‍اسمانغا يۇلتۇزلارنى كۆرىسەن ،
قىسمەت دېگەن مانا شۇ ، تۇغۇلدۇڭمۇ ئ‍ۆلىسەن .
ياشلىقىڭدا مەجنۈنسەن ،لەيلىلەرگە كۆيىسەن ،
شۇنداق كۈنلەر بىرىدە سۆيگەن جانان كىلىدۇ .

ئ‍ۇششاق غەلۋە قىلمىغىن چوڭ ئ‍ېشلارنى باشلىساڭ ،
ئ‍ۆزگەن گۈلۈڭ بىر بولسۇن ، مەنا بىلەن ياشىساڭ .
يىڭىلىققا نەدە يول ئ‍ەگەر داۋان ئ‍اشمىساڭ ؟
چۆكسەڭ ئ‍ارمان  ئ‍ىچىگە ، پۇرسەت -ئ‍ىمكان كىلىدۇ .

كەيپ تۈگمەس ئ‍اپەتتۇر ئ‍اڭا يىقىن يولىما ،
پاكىز ياشا كۈنۇ -تۈن ، پاك تىنىڭنى بولغىما .
پۇل تاپساڭمۇ تۇنىلاپ قەدەمدە باق ئ‍ارقىغا ،
يەتسەڭ ئ‍ەلنىڭ دەرتىگە ، مۈشكۈل -ئ‍اسان كىلىدۇ .