ئىسىت ئەقىدەم

ئابلىمىت ئوسمان (مەرىپەت ئوغلى)

مېھرىڭدە كۆكلىتىپ قەلبىمدە سۆيگۈ،

 ۋەسلىڭگە يەتكۈزمەي ئەزدىڭ يۈرەكنى.

دەردىمنى تۆكۈشكە پانىي دۇنيادىن.

تاپالمىدىم ھىچ سەن يار-يۆلەكنى.

ئازاپتا تولغۇنۇپ بۇندا ئاھ ئۇرسام ،

 يۈرۈيسەن سەن ئۇندا كۈلۈپ بىخەۋەر .

سېغىنىش ئوتىدا قىل كەبى كۆيۈپ،

 سەنسىز كۈن بىلىنەر يىگەندەك زەھەر.

تالجىقتى بۇ جېنىم، باغرىم قان-زىدە،

 دىدارىڭ كۆرەلمەي يىدىم كۆپ تەشۋىش.

يۈرۈگۈم يىغلايدۇ،سەن بىلەن ئۆتكەن،

كۆزۈمدە،خىيالدا شۇ گۈزەل كەچمىش.

  قەلبىمدىن ئارزۇلاپ سۆيسەممۇ سىنى،

 خارلاندى چىن سۆيگۈم ، ئىسىت ئەقىدەم.

شۇندىمۇ سېغىنىپ ئەسلەيمەن مەڭگۈ.

نەدە سەن جانانىم؟ ئوماق مەلىكەم .