دۇنيادىن ئ‍ايرىلىپ ياشار بىر يىگىت

تەركى دۇنيا ياشار بىر يىگىت،

يوشۇرغاندەك يالغۇزلىقىنى .

پىغانىدىن جاھان تىتىرەر ،

تۈن كېچىگە تۆكەر دەردىنى .

نە ئۇنىڭدا كۈلكە -تەبەسسۇم ،

خىياللارغا چۆككەن مۇڭلىنىپ .

قەلبىدە بار ساقايماس يارا،

ئ‍ەلەمدە ئ‍ۇھ تارتار خۇرسىنىپ .

ئ‍ىزدىسىمۇ جىمى ئ‍ىقلىمدىن،

كۆرۈنمەيىتتى يارنىڭ قارىسى .

قانغۇدەك بىر يىغلىغۇسى بار ،

ئ‍ېغىر ئ‍ۇنىڭ يۈرەك يارىسى .

بېرەلمەيدۇ ھېچكىم تەسەللى ،

يېتەلمەيدۇ ھېچكىم ھالىغا .

كۆيۈپ قالغان ئىكەن ئۇ ئەسلى،

ئ‍ەرلىك بولغان بىر قىز بالىغا .