كىم بار (شىئىر)

 كىرەمجان ئابدۇقەييۇم

كىتىپ قالسام يىراققا ئەگەر،
كىلىشىمنى كۈتەرگە كىم بار؟
يوللۇرۇمدىن ئادىشىپ قالسام،
قولۇم تارتىپ كىتەرگە كىم بار؟

بىراۋ ئۈچۈن ئاھ ئۇرۇپ يۈرسەم،
مىنىمۇ ھەم سۆيگۈدەك كىم بار؟
  قاۋاقلاردا يىقىلىپ يۈرسەم،
ھالىم سوراپ يۆلەرگە كىم بار؟

مال دۇنياغا ئاشىقلار كۆپتۇر،
يۈرۈگۈمگە كۆيەرگە كىم بار؟
بولۇپ قالسام ئەگەر دىۋانە،
دوستۇڭمەن دەپ كۈلەرگە كىم بار؟

سىناقلىرى كۆپتۇر ھاياتنىڭ،
تەڭ سىنىلىپ ئۆتكۈدەك كىم بار؟
كىتەر بولسام ئەگەر دۇنيادىن،
تاشلاپ كەتمە دىگۈدەك كىم بار؟