روبائىيلار
 رازىيە  ھېلىم

   (1)

 بىردەملىك كەيپىيات بىر رومكا ھاراق ،
  قىلدۇ بىر مەھەل قايغۇدىن يىراق.
 تەندىكى جاراھەت ساقايغان بىلەن ،
  دىل يارا بىر ئۈمۈر قىينايدۇ بىراق.

    (2)

 دوستۇم يوق ئەزەلدىن ئۈزۈمدىن بۆلەك،
  باردا يوق ئادەملەر ماڭا نە كىرەك .
 تەس ئىكەن ئىنساننىڭ كۆڭلىنى بىلمەك،
  ھەرتەندە سوقاركەن ھەر كويدا يۈرەك.

   (3)

  بۇ ئەجەل كىلدۇ قېرى ھەم ياشقا،
  ۋە ياكى جېنى يوق شۇ قورام تاشقا.
ھەر نەرسە تۇغۇلۇپ تەرەققى قىلۇر،
  ئاخىرى ئامال يوق ئۆلۈمدىن باشقا.

    (4)

   تۇغۇلدۇم كۈلگەندە پۈتكۈل كائىنات،
 ئۆتمەكتە ئوخشاش بىر رىتىمدا ھايات.
 مەڭگۈگە ئۆچمەسكە قويالمىدىم ئىز،
  بولدىمۇ شۇنچە كۆپ ئارزۇيۇم بەربات.