يار بولالامسەن

يۈسۈپجان ئايكىپە

كۆزۈمدىن مىھرىمنى ھىس قىلالامسەن،
قول تۇتۇپ مەنزىلگە تەڭ بارالامسەن.
بىر كۈنلەر ئۆزگىلەر ئايرىماق بولسا،
يىنىمدىن ئايرىلماي چىڭ تۇرالامسەن.
 
ناۋادا بۇ ھايات قويسا دىدارسىز،
ئۈزمەستىن ئۈمىدنى ساقلىيالامسەن.
بارلىقىم ،كۆڭلۈمنى تاپشۇردۇم ساڭا،
ئۈمۈدۈم سىنىڭدە ئاقلىيالامسەن.

قالسام گەر ئايرىلىپ ھەممە نەرسىدىن،
مەن بار دەپ كۆڭلۈمنى ئاسرىيالامسەن.
سۆيگۈڭگە زار بولۇپ تەلمۈرگەن چىغىم،
باغرىمغا يىقىملىق  تاشلىنالامسەن.

تۆت كۈنلۈك ئالەم بۇ كۈلكەمگە كۈلۈپ،
قايغۇمغا مەن كەبى قايغۇرالامسەن.
كۆز يۇمۇپ كەتكۈچە باقى ئالەمگە،
يىنىمدىن ئايرىلماي يار بولالامسەن.

يۈسۈپجان    2016.10.8