قەلەم تۇتماق- ئەلەم تۇتماقتۇر
ئابدۇراخمان ئىبراھىم

شائىرلىققا ھېرىسمەن دوستۇم،
«قەلەم تۇتماق-ئەلەم تۇتماقتۇر».
بويسۇنمىساڭ ئۈشبۇ ساۋاققا،
ئاقىۋىتىڭ- ئەلەم يۇتماقتۇر.

ھەۋەس باشقا، شائىرلىق باشقا،
شائىرلارنىڭ دەردىمۇ باشقا،
شائىرلىقنى ئاددىي كۆرمىگىن،
ئوخشىمايدۇ ئۇ،ھېچبىر ئىشقا.

گەر چۈشەنسەڭ، شائىرلىق ئىشى،
ماھىيەتتە، تىلنىڭ ئىشىدۇر.
كونىلارمۇ بەك توغرا ئېيتقان:
«تىل يۈگۈركى-باش كېتىشىدۇر.»

نام قازىنىش، پۇل تېپىشچۈنمۇ،
شائىرلىققا قىلمىغىن ھەۋەس.
ئۇ قەلىپكە مەنىۋى ئۇستاز،
سودىگەر يا تاۋارچى ئەمەس.

ۋەتەن،خەلق- باھالىغۇچى،
شائىر-دىلنى داۋالىغۇچى.
ئۇگوياكى ئەلەمدارئەسكەر
قەلەم تۇتقان، ئەلنىڭ جەڭچىسى.

ئابدۇراخمان ئىبراھىم كورلا.
2017.2.22
ئەمگىكىمگە ھۆرمەت قىلىڭ نامسىز قويماڭ.