يالغان يۈرەك 
 شېئىر  
  ئاپتۇرى- مۇھەببەت كۈيچىسى مۇھەممەتجان سامساق

تۇنۇشقانتۇق بىر چاغلار ئۆتكەن ئىدۇق سىردىشىپ ،
كۆڭۈل بۈلۈپ ئۆز ئارا ئۈچ ۋاق سالام قىلىشىپ.
مېھىرلەردىن كۈنسىرى ياندى سۆيگۈ  ئوتلىرى ،
باغلاق چۈشۈپ كۆڭۈلگە خىيال قىلىپ ئىزدىشىپ.

ئۆتكەن ئىدى  بىر مەھەل شۇنداق خۇشال كۈنىمىز ،
بۇ ھاياتقا ئۈمۈدلەر كۈلۈپ قۇچاق ئاچقاندا.
ناۋا قىلار زوق بىلەن چەكسىز بەخىت بۇلبۇلى ،
سۆيگۈ گۈلى چىچەكلەپ بەرگى پۇراق چاچقاندا.

چىداشمايتۇق بىرەر كۈن  ياردىن خەۋەر كەلمىسە ،
كۈيلىرىمدە چاپاتتى يارنىڭ  مېھىر ئاتلىرى.
كېچە كۈندۈز دىمەستىن مۇڭدىشاتتۇق شادلىنىپ ، 
چىن سۆيگۈگە تەشنا بۇلۇپ يۈرۈكلەرنىڭ قاتلىرى.

گۈلشەن ئارا گۈل بۇلۇپ نازلىناتتىڭ تاتلىغىم ،
سىنى كۈيلەپ بۇلبۇلۇڭ خەندان ئۇرۇپ سايرىسا.
ئەقىدەمدە چىن سۆيگۈڭ گۈللەپ پۇراق چاچارمۇ ؟
سىناقلاردا سۇنامسەن شاخلىرىڭنى قايرىسا.

بەرسەم ساڭا مېھرىمنى  يار قەدرىمگە يەتمىدىڭ ،
چىن سۆيگۈدە ساختىلىق سىنىلىدۇ بىلىپ قال.
قەلبىم گويا بىر سازدۇر چېكەلىسەڭ تارىنى،
بەخىت دىگەن بازاردا سېتىلمايدۇ بىلىپ قال.

ئاپتۇرى-ئاقسۇ شەھەر قاتال بازىرىدىن مۇھەممەتجان سامساق
تىلفۇن ئالاقە ئۈندىدار، 15599755288
2017-3-27