جان ئ‍اتا

بۇخەلچەم ھۈسەن  (پىنھان )

جان ئ‍اتا، قالدىڭغۇ كۈچتىن ئ‍ايرىلىپ،

 ھەمراھىڭ بولدىمۇ يۇلۇڭدا ھاسا ؟!

كەتتىڭغۇ جاپادىن يادەك قايرىلىپ،

 جىسمىڭغا كۈچ -قۇۋەت بولايچۇ، ئ‍اتا !

 كۈچسىزدۇر تەنلىرىڭ ، تىترەر قوللىرىڭ ،

 رەھىمسىز يىللارنىڭ ساڭا سوۋغىسى .

بىزلەرگە ئ‍ەڭگۈشتەر پارلاق يولىرىڭ،

 سەن ئ‍ىدىڭ بوۋامنىڭ چىۋەر ۋارىسى .

 بارلىقىم دەپ بىلدىڭ پەرزەنتلەرنى سەن،

 بىزلەرگە ياراتتىڭ ھالاۋەتلىك باغ .

مۇشەققەت - جاپاغا بەرمىدىڭ ھىچ تەن،

قەددىڭدىن كۆرۈنەر گويا تەڭرىتاغ .

بىز ئ‍ۈچۈن تەر تۆكتۈڭ ، شۇنچە غەم يىدىڭ،

 كۆزۈڭگە نۇر بولاي ،مۇڭدىشاي ھەر دەم .

 سەن مىنى يېتىلەپ چوڭ قىلغان ئ‍ىدىڭ ،

ئ‍ەمدى مەن يېتىلەي سىنى ، پەرىشتەم ...