تەنھالىقىمدا
ئابلىكىم مۇھەممەت خوتەنى
يالغۇزلۇق پىچاقتەك تېگەر سۆڭەككە،
ياڭرايدۇ زېمىندىن ئازاپلىق نېدا .
تىمتاسلىق ئىچىدە بۇلۇتلۇق ئاسمان ،
ياش تۆكەر قەلبىمگەبىر دەريا يىغا،
شۇقەدەر غېرىبمەن، خىياللار ئارا ،
تۆكىمەن كېچىدە ئايغا دەردىمنى .
مۇزلىتىپ كۆڭلىمنى قارا كۆز دىلدار،
ئاھ پايخان قىلدىڭسەن سۆيگۈ بېغىمنى .
چىللايدۇ ئازاپنىڭ نالىرەڭ كۈيى ،
مەستخۇش ئىلكىدە مېنى يېنىغا .
بىر مىسكىن ئاھاڭدا بوزلايدۇ خازان،
جۆر بولۇپ شۇ تاپتا قەلىب يېغامغا .
بىر ئەللەي ئېتىشتە جىسمىمغا توغراق
كۈچ بەرسە، ئىللىيدۇ يۈرىكىم بىر رەت.
ئۇرغۇسا قېنىمدا ئەجداتلار روھى
يىقىلغان جايىمدىن تۇرىمەن چەبدەس.
2016-12-28
36 قېتىم كۆرۈلدى | ئابلىكىم مۇھەممەت | ئەسەر يوللىغۇچى : | |
2016-12-30 2:45:00 | :يوللانغان ۋاقتى |
بۇ تېمىغا تېخى ئىنكاس يېزىلماپتۇ
تور بىكىتىمىزدىكى ئەسەرلەرنىڭ ئىشلىتىش ھوقۇقى تور بىكىتىمىزگە ۋە ئاپتورغا تەۋە بولۇپ، قالايمىقان كۆچۈرۈپ تارقاتقۇچىلارنىڭ مەسئۇلىيتى قاتتىق سۈرۈشتە قىلىنىدۇ. ئەمگىكىمىزگە ھۆرمەت قىلىڭ! باشقىلارنىڭ ئەمگىكىنى قەدىرلەش گۈزەل ئەخلاقتۇر!!!! بىكەت مەسئۇلى: نۇرمۇھەممەت ئالاقە تېلېفۇن - ئۈندىدار: 18999843588
www.yazghuqilar.com
新ICP备15002323号
|