ياشلىقىم 

 ئايىمگۈل

 ئەتراپلار پۈركەندى ئاپئاق لىباسقا،
ئانامنىڭ بېشىدىكى ئاپئاق رومالدەك.
توختاۋسىز ۋاقىت قېرىتى ھەممىنى،
مىنىڭمۇ ھەم ياشلىقىم ئۆتتى شامالدەك.

ياشلىق باھارىم كەلمەسكە كەتتى،
يۈرەكلەر دەرت-ئەلەم پۇشايماندا قالدى.
يىتىش ئۈچۈن كەلگۈسى ئارزۇلىرىمغا،
توختىماي ئىزدىنىپ كۆزلەرمۇ تالدى.

ۋاقىتلار ئۆتمەكتە بىر-بىرنى قوغلاپ،
بىرىنىڭ كەينىدىن بىرى ئۇلىشىپ.
بىلەكتە كۈچ يوق،تەندە ماغدۇرلار،
كۆزلەرمۇ نۇرىدىن كەتتى تورلىشىپ.